Táimid ag earcú do Dhaonáireamh 2027
An bhfuil post luachmhar fónta uait?
Tosófar ag glacadh le hiarratais chun 3,850 Oifigeach Tacaíochta Allamuigh Daonáirimh (ar a dtugtaí Áiritheoirí roimhe seo) a earcú an 23 Samhain 2026. Is conradh sealadach 8 seachtaine atá i gceist, ón 5 Aibreán go dtí an 28 Bealtaine 2027. Beidh tú ag obair 18 n-uaire in aghaidh na seachtaine. Beidh tú ábalta os cionn €3,000 móide liúntas a shaothrú le linn an chonartha. Is obair ar leith agus obair thairbheach í agus beidh deis agat a bheith páirteach i stair an daonáirimh ó tharla go mbeidh an chéad daonáireamh ar líne ar siúl in 2027.
Is é 2pm Dé hAoine an 4 Nollaig an dáta deiridh a nglacfar le hiarratais. Moltar iarratas a dhéanamh go luath áfach mar go ndúnfar an comórtas seo nuair a bheidh 12,000 iarratas faighte.
Tuilleadh eolais maidir le ról an Oifigeach Tacaíochta Allamuigh Daonáirimh
Eolas Faoi Dhaonáireamh 2027
Beidh an chéad daonáireamh eile in Éirinn ar siúl idir 5 Aibreán agus 9 Bealtaine 2027. Den chéad uair, beidh rogha ag daoine an fhoirm a líonadh ar líne nó ar pháipéar. Beidh tréimhse 5 seachtaine ann inar féidir an fhoirm a chomhlíonadh, go dtí an 09 Bealtaine 2027.
Reáchtáiltear daonáireamh gach 5 bliana in Éirinn. Tá na sonraí ón daonáireamh riachtanach i bpleanáil na seirbhísí atá ag teastáil inár bpobail áitiúla; scoileanna, cúrsaí sláinte, iompar agus eile san áireamh.
Dátaí don dialann
Tá trí earcaíocht dhifriúla á reáchtáil in 2026.
Déan iarratas go luath
Cé gurb é 2pm Dé hAoine an 4 Nollaig dáta deiridh an chomórtais, dúnfar an comórtas a luaithe is a fhaightear 12,000 iarratas. Déan iarratas go luath chun a bheith cinnte nach gcailleann tú an deis seo.